Tredicesima e... tredicina

L’aspettavo, è arrivata, l’ho incassata,

è stata ‘nzieme a me manco ddoje ore,

‘nziem’a mia moglie l’aggio sistemata

dint’a cucina ‘ncopp’a tavuletta;

a destra ce aggio miso tutt’e sorde

e a mano smerza ‘na vranca ‘e bullette;

‘o telefono, ‘o gas, ‘o condominio

‘a luce, l’acqua, ‘a rata d’’a mmunezza:

e mano mano ca sparteve ‘e sorde,

o core ‘mpietto me sbatteva forte.

Forse nun ce credite, eppure è overo,

manco ‘o tiempo ‘e cuntarle chisti sorde,

ca so’ sparute ‘a nant’a ll’uocchie mie.

Tredicesima addio, t’he fatt’o viaggio,

mo’ se ne parla, si Ddio m’’o fa’ vedè

a dicembre duemilaventicinque,

e pe’ tramente, muscio e scunzulato

a Santa Lucia faccio ‘a redicina.

©RIPRODUZIONE RISERVATA