Nustalgia

‘A lettera ‘e Natale accumminciava             

cu sti  parole “Cari genitori                       

oggi è Natale, è nato il Bambinello…”           

e proseguiva inevitabilmente                       ,

“vi voglio bene e sarò assai studioso”          

Po’ ‘e tiempe so’ cagnate  e ‘a letterina        

se manna a nu paese assaje luntano,            

addò nu viecchio cu ‘na barba janca             

s’è mise ‘o posto ‘e “Cari genitori”;              

nun è nu pate, eppure ‘o nommo è “Babbo”    

e a isso scrive ‘a lettera ‘o guaglione;

però nun fa prumesse ‘e studia assaje,

lle manna sulo ‘a nota d’’e regale:

“Babbo Natale mio mi raccomando,

voglio l’Iphone ultimo modello,

e a mia sorella, chella piccerella,

puorte tutt’o corredo di Hello Kitty”.

‘O ssaccio, ‘a mia è sultanto nustalgia,

ma lo confesso e nun me metto scuorno,

quann’è Natale, sott’o piatto mio,

me piacesse ‘e truvà ‘na letterina