'A cunzegna nuova

‘O viecchio se n’he juto ll’ata sera

quann’o rilorgio deve ‘a mezanotte;

ha miso dint’’o sacco ‘ncopp’e spalle

‘o mmalamente ‘e ll’anno ch’e’ passato;

e ha ditto a ‘o guagliunciello ca e’ arrivato:

guaglio’ sienteme bbuono che te dico,

so’ tre e sissantacinche ‘e juorn’e ‘e st’anno

ca mo’ te lasso dannete ‘a cunzegna,

‘e mie me l’aggio fatte tutte quante

cu’ tasse, guerre e cu’ disoccupate;

nun sacce tu che tenarraje astipato,

ma ‘un credo ca sta musica e’ cagnata!

Tu fatte bbuono ‘e cunte, arape ll’uocchie;

si vide ancora ggente disperata,

ggente ca nun arriva ‘a fine ‘o mese,

e ca nun sape comme schiara’ juorno,

nun ce penza’ ddoje vote, sient’a mme,

e ‘a mmita’ ‘e ll’anno, verso ‘a fin’e giugno,

fatt’a valiggia e vavattene ‘e pressa;

si nun ‘o ffaie, napulitanamente,

saje che tico? So’ cazze d’’e tuoje!!

© RIPRODUZIONE RISERVATA